ثلاث ملوك

ثلاث ملوك

 

حــيــاتــى أصــبــحــت جــحــيــم"

اول جملة اقدر اقولها لاني كنت جاهل مكنتش اعرف ان  الفضول بيوصل للموت وتكون انت سبب ان حياتك تصبح جحيم مثلي تماما بدون تفاصيل كتير وكلام ملوش لازمة انا فارس 22 سنة النهاردة يوم 2017/10/31  يوم عيد ميلادي احتفلت بيه انا وعائلتي. بتتكون من امي وابي واختي الصغيرة

خلص عيدي ميلادي وكان أحلي يوم بنسبالي بوجود امي وابويا جنبي،ساكن ف الجيزة بدات قصتي بشوية فضول ملهمش لازمة لما كنت فاتح الفيس وبقلب ف الفيس يمين وشمال وشوفت بوست رعب ومكتوب علية "العاب رعب تقدر تخليك تتواصل مع الجن"

بدات استهزاء بالكلام وخدوا بهزار لكني يارتني مكنت ضحكت وصدقت الموضوع قرات اول لعبه كانت اسمها "ثــلاث مـلـوك" بدات اقراء عنها وكانت المفروض الخطوات ال اعملها عشان اقدر اتواصل مع العالم الاخر

قرات كلام وتخيلت اني بعمله لكن كان مرعب الحقيقي قطع كل دة مكمله من صديقي محمود وبيقولي

كل سنة وانت طيب ي باشا عاوزينك ياعم كدة تقعد معانا احنا عملين قاعدة حلوة انا وسمير وليله هالوين بجد متيجي ياعم .

قوتلة طب جيلكم حالان اهو .

لبست وكنت ف طريقي ليهم ووصلت ليهم والاحضان وغيرة وقعدنا نتكلم والكلام جااب بعضه وف الاخر ملل فجاء انتشر والكل سااكت ف قوتلهم سمعتوا عن لعبه ثلاث ملوك ف قالولي لا اية اللعبه دي.

قوتلهم دي لعبه مرعبه جدا بتخليك تقدر تتواصل مع العالم الاخر قرات عنها قبل مجي .

محمود قالي طيب متيجي نعملها اية رائيكم

قوتلة اه بس انا كنت محتاج حد يشجعني واهو تجربه هنخسر اية يعني.

سمير قاال لو حصلي حاجة ذنبي ف رقبتكم.

محمود قالة ياعم اجمد بقا شوية.

فارس اية هيا الخطوات بتاعت اللعبه.

قوتلهم اول حاجة تطفي نور الشقة كلها وتبقا قاعد ف الضلمه وتجيب تلات كراسي تقعد ع واحد والكراسين التانين قدامهم مرايتن بشرط ان يكون شكلك ف المرايتن موجود وتجيب شمعه وتقول اسم من اسماء الجن 10 مرات زاي__شمهورش__بني القماقم__

بني دهمان___عزرائيل.

خلاص تمام هنجرب ونخليها ع الله موافقين

الكل وافق وكانا واحد واحد بيدخل يعملها اول واحد هوا انا ايوة انا فارس دخلت الاوضة لوحدي قفلت نور الشقة كلها جبت شمعه ونفذت كل الخطوات المطلوبة مني اني اعملها  بظبط .

واصبحت الان مفيش قدامي غير خطوة واحدة غير اني انادي ع اسماء الجن لكي تحضر معي الان.

شمهورش شمهورش عزرائيل عزرائيل بني القماقم بني القماقم بعدها سكت عشان حسيت بحساس غريب جدا ومرعب حاسس بانفاس غريبة والجو سخن فجاء وغير الشمعه ال عمله نورها يروح ويجي وكأن حد بينفخ فيها ومرعوب جدا بدات اركز مع المراياا اكتر وشوفت نفسي بس دة مش انا لالا ملامحي مرعبه جدا لا يمكن اكون بكدب ال شايفة دة مش انا واتاكد اكتر لما بدا وشه يبان علية الغضب اكتر وقومت من ع الكرسي وبعد دقايق من الصدمه وال حصل نورت نور الشقة وطلعتلهم وكانوا مستنيني .

قالولي اية شوفت اية قوتلهم لا مفيش ادخل وهتعرف دخل محمود وراايا وقفلت الباب علية واترميت ع كنبه مرعوب وبترعش من ال حصلي وفجاء صرخه من جوا الاوضة وكان محمود بيصرخ دخلنا عليه لقيته باصص للمرايا بطريقة مرعبه وجسمه بيترعش جدا طلعته انا و سمير وبعدها دخل سمير وانا اقعد مع محمود اهدي فيه لكن لما سمير دخل طول اوي جوا لدرجة اني،راحت اشوفة ماله دخلت الاوضة ولعت النور،لقيت سمير واقع ف الارض وبيتنفض الظاهر هما شافوا حاجات اقوي بكتير من ال شوفتها انا ندهت ع محمود يجي،يسعدني انه يشيلة معايا لانه تقيل اوي ومصدوم لانه هوا رفيع زاي حالتي يعني محمود دخل وعينه مبرائة بطريقة مرعبه لدرجه اني كنت خايف منه بدا نور الاوضة يروح ويجي وحسيت بهزرة خفيفه ف الشقة والكراسي بتتهز اكتر وانا ومحمود بنبص لبعض ومش عارفين اية ال بيحصل .

فضلنااا دقايق ع الحال دة ومش عارفين حتا نشيل نفسنا من كتر الرعب انا ومحمود ساكتين وشايفين سمير بيتنفض ومش قادرين نعمل حاجة .

كل حاجة ساكتت فجاء زاي ما بدات فجاء.

ساعه عدت ومحمود اصبح كويس نوعا ما وانا كمان لكن. الرعب موجود والخوف والقلق والفزع علينا باين

بدانا نفوق ف سمير وصحي سمير من الغيبوبة ال كان فيها وقال مشهورش شوفته موجود ف الاوضة شوفته شوفته هيموتنا عايز ينتقم مننا بسببي اناا السبب .

قوتلة يابني حصل اية فهمني وضح .

قالي انا دخلت وقعد وأيدي كانت بتترعش جامد من الخوف وفضلت ااقول الاسم كتير وفجاء ظهر حاجة ع المراياا لدرجه اني فجاء حطيت الشمعة ف المرايا وحيلت حااجة غريبة المرايا كانت بتسيح والله بتسيح ادخل شوفها بعدها حسيت بدوخه وملامح الكائن ف المرايا اتغير 180درجه وعينه برائت جدا مستحملتش المنظر لان ال كان بيعمل كدة هوا انا.

محمود خليك مع سمير وانا هدخل اشوف المرايا ال بيقول عليها دي دخلت الاوضة ولعت النور وروحت عن المرايا لقيت ف اثر مرايا متسيح فعلا بنفس علامه الشمعه سمير مش بيكدب ال حصلة كان حقيقي.

رجعت الاوضة ولقيت سمير بيتنفض  وبيتكلم مع محمود بصوت خشن اوي وضخم مش دة صوته ابدا

والله لدرجه محمود قام من جنبه وقالي ف ودني.

فارس سمير اتلبس سمير بيتكلم بصوت حد تاني سمير حصله حاااجة ي فارس مش مظبوطة من ساعات ممشيت انت وروحت الاوضة وهوا مش بيبطل كلمه احنا هنموت وشمهورش جي وكلام غريب جدا انا مرعوب منه .

قوتلة لازم نتصرف احنا هنقعد معاه هنا ونشوف اية ال هيحصل .

نامت انا وسمير ف غرفه لوحدنا وصبنا سمير ف اوضة لوحدة بعد تفكير كتير نامت مش،عارف ازاي .

لكن بعدها حسيت بان واحد واقف ورايا دة غير اني مايم وانا قلقان لدرجه لو حد اتنفس بكون سمعه .

انا حاسس بوجود حد ورايا وخايف ابوص ورايا اشوف  مين ال واقف ورايا اتاكد اكتر لما لقيت خيال ع الأرض دة سمير ايوة هوا جسمه لكن كان ف حاجة ف ايدة دي دي سكينه سمير ماسك سكينه اتشليت مكاني ع السرير ومش قادر ولا اتحرك ولا اتكلم وبعد ثواني محمود قام واتفلت وراه وصرخ لما شااف سمير وف لحظة هجم عليه سمير وف ايدة سكينه وعاوز يموته قومت ضربته ضربه ع راسه واغمي عليه طلعنا برا انا ومحمود وقفلت الباب ع سمير وكانا قاعدين قدام الاوضة ومش عارفين سمير حصله اية فتحت تلفوني وبدات ابحث عن حالات شبه حالة سمير لقيت كتير اوي مشاكل بنفس اللعبه ال لعبها غلط واتلبس ال ادي ال جنونه وحاجات كتير جدا ومن ال قراته عن الحالات بان سمير اتمس او اتلبس مفيش غير كدة .

فجاء صريخة من محمود واقفت قلبي لما قال

"فارس اللحق دة دة ف دم جي من تحت الباب"

ينهر اسود افتح الباب بسرعه ي محمود نشوقة بيعمل اية.

لالا مش هدخل جوا . ي محمود ابوس ايدك ادخل معايا لو دخلت لوحدي هيموتني

سكت محمود وراحت نحيت الباب وفتحته بشويش جدا وشفت منظر ميتوصفش سمير ف ايدة سكينه وبيعور ف ايدة وف جسمه لدرجة ان جسمه مشوة تماما وبيرسم اشكال ع الارض بالدم ال نازل منه بدات اركز اكتر لقيت مرسوم نجمه كلام من جميع النواحي وكانها اسماء جن و بيقول كلام غريب جدا .

بيطلع اصوات غرببة جدا وكلام اغرب جريت نحيت السكينه مسكتها لكنه قاام وهجم عليااا وبدا يقطع ف جسمي بظوافرة وبدات اصرخ اصرخ من شدة الالم

وبقول ل محمود يسعدني وهوا مش بيتحرك لدرجه اني فكرت اضربة بالسكينه بحاول اقومه من عليا لكنه تقيل جدااا بطريقة متتوصفش بصرخ محدش،سمعني ف لحظة لقيت صوت قران جي من محمود ودة سبب ان سمير يقوم من عليااا ويهجم علي محمود وبدا يقطع فيه ظوافرة بتغرز ف جسمه زاي مكان بيعمل عندي بظبط مسكت كتاب القران ال وقع ع الارض وبدات اقرة منه اكتر وبدات يتعصب وف لحظة وقع ع الارض

مبقتش عارف اعمل اية محمود مرمي بينزف من كل مكان زايي بظبط قوتلة محمود سمير ملبوس ولازم يتعالج اهله لو شافوة بالمنظر دة هتبقا نصيبة سودة .

فارس بوص ع الحمام كدة .

بصيت لقيت خيال جي من الحمام ساكتين محدش بينطق فينا والرعب زاد لما سمير قاام وجري ع الحمام

بعدها بدقايق اتحركت نحيت الحمام ورميت عيني من بعيد سمير باصص ع المرايا وشايف حاجة وبيكلمها باسلوب غريب كلام مرعب اوي وصوت خشن وبدات يرزع دماغه ف الحيطه اجمد واجمد واقعد ف الارض وبيرسم تاني من الدم ال نازل منه بدات اقرب اكتر عشان اشوف بيرسم اية لقيته عامل دايرة كبيرة او تقريبا نجمه وكاتب اسماء كتير بدات اقراء معاه الحروف ع قد مقدر اول اسم .

(ش م هـ و ر ش) التاني ( م ح م و د) الثالث(م ح م و د)

وبعدها علامات واشكال وبدا يمسك حاجة بايدة شايف ايدة بتترفع واقفل ايدة ع حاجة هوا ماكسها لكن انا مش شايفها وبدا يكون ف صوت قطة بتتالم مش عارف جي منين بصيت حوليا مفيش حاجة رجعت بصيت ع سمير لقيت كميه دم رهيبه معرفش جئت امتي.

بعدها بدا يبص عليا وملامحه مرعبه جدا غير جسمه المتشوة وبدا يشوار عليا لالا بيشوار ع حاجة ورايا اه بصيت وراي لقيته بيشوار ع محمود  ال كان واقف ورايا وانا مش واخد بالي . بدا محمود يترعش ويتنفض وقع ع الارض وكأنه حاسس بحاجة او شايف حاجة انا مش شايفها لكن حاسس نبضات قلبي وسمعها من كتر الرعب وف لحظة باب الحمام اترزع وجريت ع محمود ومسكت راسه بدات اقراء قران وبدا يفوق معايا .

قالي فارس انا حملت ب حلم غريب جدا ي فارس حلكم مرعب جدا،سمير موتني بالسكينه وبدات كائنات تطلع من الحيطان وأيدي كتير بتطلع وبتشدني انا هموت ي فارس خالص سمير هيموتني وعلي فكرة ف نفس الحلم شوفت سمير بيموتك بعد مكانت الايديرال ف الحيطات بتشدني وبتموتني شوفت سمير ماسك سكينه وبيقطع فيك وكائنات زاي القطط لكنها ارعب بتاكل فيك لازم نتصرف ي فارس .

قوتلة خلاص مفيش غير حل واحد احنا نمشي ونصيب البيت مفيش حل ،قالي طب وسمير هنصيبه كدة.

قوتلة دة اتجنن بعدين لو حد عرف اننا سبب ال هوا فية هيموتنا احناا  يلا بينا بسرعه قبل ميفتح الحمام ويموتنا انا همشي لو عاوز تعيش تعالي معايا عايز تقعد،براحتك محمود مشي معايا روحت البيت ومحمود روح بيته وفضلت ساكت مش بتكلم مع حد مش باكل مفيش ف دماغي غير اية ال ممكن يحصل ع فكرة سمير عايش لوحدة ومحدش ساكن معاه ف البيت كمان .

فصلت ادور ع حل لموضوع بتعنا لكن الحل ف  انه يتعالج من المس ال هوا فية دة مفيش غير كدة .بعد تفكير عميق روحت ف النوم عميق وكاني منمتش بقالي كتير قومت ع صوت غريب ف الاوضة بتاعتي بصيت ع الباب لقيت ايد مليانه دم وف ايدها سكينه وايقنت انه سمير جي يموتني بدات اصرخ اكتر واكتر ولقيت جي عليا وبيوريني صورة ف التليفون وبصيت لقيت صورة لمحمود وهوا مشنوق وفجاء سكينه جئت ف رقبتي وقومت مفظوع ، استغفر الله العظيم اعوذ بالله من الشيطان الرجيم ، كنت بحلم قومت وكنت عاوز اشرب مياه عشان قلبي هيوقف من الرعب شربت ولكن سمعت صوت جي من المطبخ وحاجات بتوقع ف المطبخ والغريب محدش من اهلي صحي وبيشوف اية ال بيحصل دخلت لقيت سمير واقف وجنبه الخلاط وبيحط فية قطه ال مدبوحه وكل حتي ف جسمها ف حته وبيحطهم ف الخلاط وخلص الخلاط واصبحت القطة مثلا العصير ولقيت سمير بيشربه وكانه حاجة لذيذة وبستمتع وهوا بيشربة وكل دة وانا شايفة ومش قادر أفسر دة اية لقيت امي جي ع المطبخ ودخلت  وكان توقعي انه تصرخ اول متشوف سمير بالمنظر دة لكن لقيت امي بتجيب كوباية وبتاخد ال فضل من سمير وبتشربة وبدات توقع ف الارض وتكح وكانت بطع حاجات من بوقها شعر اسود شعر القطة .

فضلت اقول اعوذ بالله من الشيطان الرجيم ربي اعوذ بك من همذائت الشياطين واعوذ بك ربي ان يحضرن

بدا المشهد يتغير مع تغميضه عينه ف ثانيه لقيت ابويا بيمدلي ايدة ويقولي خد يابني اشرب لمون شكلك اعصابك تعبانه بقالي ساعه بقولك خود خود  وكلمك وانت ولا هنا اهي امك شربت نصه اهو،

مشي ابويا وامي ودخلوا الاوضة بتاعتهم وببص ف الارض ع،الشعر كان قشر لمون مش شعر بصيت ع الخلاط فعلا كان عصير لمون بدات استغرب من الي بيحصلي دة جدا ودخلت اترميت ع السرير ومش لاقي تفسير علي ال بيحصل،تاني يوم لقيت مكلمه من محمود،بيقولي حصلتلي حاجات سودة حاجات غريبة جدا لقيت امه مشنوقة وحاجات غريبة وسمير حلمت،بيه انه جيلي انهاردة انا خايف . قوتلة اهداء بس ال حصل معاك حصل معايا بظبط ولكن بحاجات مختلفه اهداء طالما احنا مش جنب سمير يبقا مفيش خوف دي مجرد احلام فقط متقلقش، قالي انا خايف بردو أعصابي مش مستحمله اي حاجة خالص قوتلة انشاء الله كل دة هينتهي قريب . المكلمه قفلت.

وبعدها ب ساعات خبر وفاء صديقي محمود ع الفيس بوك من صحابه اتصلت بيه مفيش رد اتصل مفيش رد جريت ع بيته لقيت صراخ وعربيات شرطة واسعاف طلعت لقيت سمير ميت ولفت انتباهي رسمه ع الحيطه رسمه نجمه ومكتوب شمهورش ...محمود وعليها علامه الاكس وجنبها فارس لكن مش عليها علامه والظاهر من ال عرفتة ان الدور عليا انا ،

خوف وتوتر وقلق مرعوب مشلول مش عارف الحل اية

مفيش حل غير اني اعالجه  اجيب شيخ مفيش غير كدة ياما قرات قصص وكانت بتتهبب اكتر ع ايد دجال لالا خليني ف شيخ روحت لشيخ وحكيلته ع كل حااجة قالي صحبك اتمس بيتحكم فيه شيطان وهوا ال اتسبب ف قتل صحبك لازم نعالجه بدل مهياذيك وياذي قرايبك كلهم وقرايب،صحبك ال مات لازم نتصرف بسرعه واتفقت معااه اننا هنروح يوم الجمعه الساعه 11 الصبح فضلت سهران وندمان بسبب ال حصل وعياط ع صحبي محمود ال مات بسببي لعبه متخلفة افتكرتها حكاية سخيفة مش بجد.

الساعه بقت 11 واصبحنا انا والشيخ امام منزل سمير.

الشيخ قرب مني كدة وقالي علي فكرة عايزك تبقاا جامد كدة وتمسك نفسك لان الشيطان ال لبس صحبك دة شيطان قوي جدا وخروجة مش سهل ابدا ،

سكت متكلمتش خايف مش قادر اتكلم خايف اطلع ايوة خايف البيت مظلم رغم ان الشمس نورها ف كل مكان لكن البيت ضلمه بمعني الكلمه الشيخ بدا يقراء قران ف سرة وانا كان معايا مصحف صغير وكشاف عشان اكيد هحتاجهم طلعنااا وانا ف كل سلمة بطلعها خايف دة غير الشيخ ياسين ال معايا حاسس انه خايف بردو ، وانا طالع لمحت خشبه ختها ف ايدي عشان اذا هجم علينا زاي ما بيعمل هضربة بيها .

اصبحنا الان امام شقة سمير الباب مفتوح دم ف كل مكان قطط ميته رايحه لا تتطاق ابدا سمير واقف ف اخر الصالة وضهرة للباب قاعد بيرسم حاجات ف الارض وبيقول طلاسم لان السيخه قالي متسمعش ال بيقولوا متسمعش حطيت ايدي ع ودني وبدات اترعش جامد من الكلام وكأن ف هزة غريبة بتحصل ف البيت جامد ودة سبب اني وقعت الخشبه من ايدي وسمير سمع حاجة لانه بصلنااا ، لكن شكلة متقولش انسان دة ابليس الشيخ بدا يقراء قران وف لحظة اصوات مرعبة تطلع وصراخ وحاجات بتتعذب صوت قطط ع كلاب علي اصوات زاي الاشباح دة غير ان سمير واقف بيضحك ع كلام الشيخ وكانه مش همه اصلا لحد ما الشيخ وصل ل آية من القران معينه بدا يتعصب اكتر ويتشنج ويقولة كفاية بصوت عمري ف حياتي مهنساا الصوت ال خرج منه والشيخ وقف عن القراء قوتلة .

لالا كمل كمل لو مكملتش هيموتنا كمل كمل.

الشيخ وقف عن القراءة وبدا يحصلة حاجات غريبة جدا وعلامات تظهر علية غريبة وقع ع الارض .

بقيت شايف سمير وشايف الشيخ واقع ع الارض ومش عارف المفروض اني اعمل اية دلوقتي اجري صح.

مش محتاج اقولكم ان الباب اتقفل علياا وانا جوا ف لحظة لقيت سمير بيقرب وف ايدة نفس السكينه ال شوفتها وهوا بيقطع ف نفسه بيها لقيته هجم ع الشيخ وبدا يضرب فية يضرب فية وانا مفيش مني فايدة واقف وحاسس اني ف اي لحظة قلبي هيوقف . خلص سمير ضرب ف الشيخ وقاام وكان كله دم والشيخ واخد ميت ضربة بالسكينه ويمكن اكتر . وقف سمير وكان باصصلي لمحت كتاب القران واقع خدو وبدات اقراء نفس آلاية ال كان بيقراها الشيخ لكن اكتشفت ان مع قراتي هوا بيتعصب اكتر واكتر وكاني بعذبة .

فجاء صرخة من سمير حسيت اني خلاص هقع من طولي ميت حاجة ع بوقي حاسس بيهااا مش عارف اقراء قران من كتر الرعب ال انا فية وجسمي بيترعش جامد غصب عني الكتاب وقع ف الأرض سمير قرب مني وبدا يرفع السكينه عشان يموتني لكن قبل ميضربني وقعت ع الارض.

لكني مموتش انا حي انا ف مكان ضلمه دلوقتي

سمير شايفة جي من بعيد وبدا يتكلم ويقولي.

"عاوزك تلعب معايا لعبه ف كل نهايه شهر هتجيب ثلاثة اصدقاء من صحابك وتخليهم يلعبوا اللعبه دي وانت امشي واقفل الباب عليهم وملكش دعوة بالي هيحصل

يامااا نتعاهد ع كدة ياما هصيبك ل دول شايفهم هما جنبك ع فكرة انا شايفهم ها قولت اية"

هتقولي ارفض لا انا وافقت قوتلة ماشي هنفذ المهم متموتنيش .

لالا مس هموتك غير ف حالة واحدة اذا مكنش ف قرابين زاي متفقنا او ف حالة انك تخون العهد .

انا هصيبك دلوقتي وهنتقابل تاني يوم 11/31

ومتنساش يكون معاااك قرابين وعلي فكرة انت هيبقا ليك مكفاء علي كل قرابين هتقدمها .

اختفاء سمير واغمي عليا تاني لاني حسيت بضربه ع راسي جامدة .

صحيت لقتني مرمي ف شقة سمير ف نفس مكاني لما وقعت وانا بقراء القرآن ،

جريت اه جريت وطول الشهر بفكر هعمل اية ف موضوع الاتفاق دة مفيس قدامي غير انفذ انا مش عايز اموت يرضيكم اموت لا انا هجيب صحابي وهفضل اصاحب ناس وهجبهم عند سمير وفعلا بعد 30 يوم وف اليوم الاخير ف الشهر كلمت صحابي وقوتلهم عاوزكم نلعب لعبه حلوة كدة وقاعدة حلوة كدة وانا عزمكم وفعلا الكل بدا يجي ووفهمتهم اللعبه وكانوا بيلعبوا وبتسحب انا وبطلع واقفل الباب والباقي عليهم بقاا فضلت مستني ايه ال هيحصل سمعت،صراخ من صحابي طلعت بعدها بشوية دخلت الأوض لقيت عظام فقط ودم ف كل مكان  وجنب كل عظام مكفاء مالية والحقيقة الموضوع دة بكسب منه حلو اوي شوف ال عاوز تيجي كلمني وانا هجيبك لسمير ولو تقدر تعمل ال انا معرفتش اعملة اعمله انت بقا ولو حد عاوز يسال ع الشيخ فين الشيخ ملوش اثر

دي قصتي ودي حكايتي ومازلت حتي الان بقدم قرابين للجن ،،،

وعلي فكرة ال نفذ اللعبه دي معانا عشان عايز يكدبتي ويقول ان مفيش حاجة حصلت لا هتحصل وسمير جيلك ف الطريق ليقدمك قربان للجن .
قصص رعب قصص الجن قصص مرعبه حقيقيه