العذاب

العذاب 

 انا مكنش ليا ف جو الرعب والقصص والكلام دا نهائي ولا كنت متابعه حتي بعد ال حصل معايا دا اتجهت للمجال دا بكل وقتي بقيت طول مانا قاعد اكتب قصص وابحث عن معلومات عن العالم دا واشوف ايه هو ما وراء الطبيعه القصه دي انا عملتها بناء علي طلب واحد من الفانز لما قالي احكي قصتك لينا ايه ال خلاك تتجه للرعب المهم 

انا احمد من البحير 19 سنه القصه دي حصلت معايا من 4سنين تقريبا يعني كان عندي 15سنه وبعد ال حصل دا انا عملت البيدج دي عالطول وبداءت اشتغل فيها طبعا انا نزلتلكو مقدمه ع الاحداث بس متعرفوش ايه هو سبب الحاجات دي في يوم جه عندنا ف البيت واحد صاحب والدي هو مكنش من البلد ال احنا فيها وكان عندنا واحد دجال ف البلد اسمو بالتحديد راضي ابو شنب الراجل دا كان بيجيلو ناس من كل مكان وكان بيسافر دول كتير بس كان شكلو اعوذب الله وصاحب والدي دا كان عاوز يرحلو عشان يعملو عمل يخلي ابنو يذاكر انا لما سمعت الكلام ضحكت وكنت بقول دا كلو شغل خرافات المهم الراجل دا راح ل راضي وتمام ورجع البيت عندنا تاني وقال ل والدي الراجل دا قالي تعالا خدو كمان يومين وفعلا عدا يومين والراجل دا رن ع والدي واتكلمو شويه ولقيتو بيقولي روح يا احمد عند عمك راضي هات منو الحاجه بتاعة عمك عصام انا عمري ما روحت عند بيت الراجل دا بس مينفعش اقول لوالدي لا وفعلا روحت وصلت هناك لقيت بيتو قديييييم اوووي والباب بتاعو كبير كدا وخشب والبيت من برا عليه قطه مشنوقه انا روحت هناك جسمي كلو بداء يرتعش خبط ع الباب لقيت الباب فتح ومحدش ورا الباب وطرقه طويييله كدا عرضها يجي متر ونص ف 30 متر قدام وكلها ضلمه وسمعت صوت بيقولي تعالا يا احمد طب عرفني ازاي الدنيا ضلمه طب هو ازاي شافني لقيت الصوت تاني تعالا يااحمد قوو لتلو حاا حا حاااضر انا جااي اهو دخلت ضلمه كحل وهو قاعد ف اخر الطرقه دي وحاطط طبليه كدا وعليها ورق كتير وحواليه شمع كدا وراح مطلع حتة قماشه وراح لافف فيها ورقه وقالي خد قولو يطها ف المخده ال بينام عليها ومتفتحهاش خدتها ومشيت عمري ما هنسا اليوم دا ف حياتي كلها وانا ف الطريق فضولي خلاني عاوز اعرف ايه ال ف الورقه دي وقولت يعني لو فتحتها ورجعتها زي ما كانت ايه هيحصل وفعلا فتحت الورقه لقيت فيها الحروف مكتوبه من الشمال وفيها ارقام كتير وتحت صورة كتاب ومتخرم عليه ب دبوس انا قاعد بفك ف الكلام بحاول اقراه لقيت وش راضي دا طلعلي ف الورقه وبيقولي انا مش قولتلك متفتحهاش وفتحتها استحمل ال هيجرااالك انا اول ما شوفت كدا روحت لافف الورقه وحطتها ف القماشه مكانها ورحت ادتها لوالدي قالي ما قلش تتعمل ازاي قولتلو هتحطهالو ف المخده ومحدش يفتحها وعدا اول يوم تمام محصلش اي حاجه قولت دا كلو كلام فاضي ولما طلعلي ف الورقه اكيد كنت بتخيل عشان خايف بس وعدا اول يوم وتاني يوم جيت انام عارفين الخنقه ال بتيجي بتاعة الجاثوم دي هي هي بس الفرق انها جاتلي وانا قاعد مش وانا نايم حاجه خنقاني جااامد اووي وحاسس اني متكتف ونار قدامي ع الحيطه وظهرلي صورة راضي وقالي انا حذرتك وانت مسمعتش الكلام ابتديت احس اني بطير من علي السرير بس انا مكاني سابت وروحي بتطلع مني فضلت احاول اقرا قرءان مش عارف بتكلم براحه وحاسس ان سناني بتتخلع مني وانا بتكلم لحد ما فقت قلت عادي دا كابوس بالليل بقا قاعد ع السرير كدا ف انا بحب اطبل وانا ع السرير وانا قاعد كدا ف خبط ب ايدي تيك تك تك لقيت الصوت اتردد لوحدو انا جسمي حركته اتشلت جربت تاني لقيتو اتكرر ولقيت هزه خفيفه كدا ف السرير ببص لقيت دماغ طالعه من تحت السرير بتبص بعنيها لفوق كدا ووشها شاحب اسود وعين بيييييض وبتبصلي وتبتسم روحت مصرخ والدي جهه بسرعه ووالدتي واخويا فيه ايه ف ايه انا خايف اقولهم ف حاجه تحت السرير وميلقوش حاجه يتريقو عليا انا قولتلهم كابوس هم مشو من هنا وحسيت اني نايم ف تلاجه الاوضه برد اوووي وحاسس با صوات ف الاوضوه وعيون بتبص عليا من من كل مكان انا قاعد مرعوب مش عارف اعمل ايه الدنيا برد اوي بس انا نمت نمت وحاسس ان فيه حاجه هتكلني بالليل انا كان سني لسه صغير معرفش وحاسس بنفس سخن كدا ف ودني وصحت الصبح فطرنا وشربنا الشاي وقاعدين كدا لقيت خيال عدا قدامي ع الحيطه ومحدش خد بالو من ال قاعدين انا كدا خلاص بداءت اربط الاحداث دي بالورقه ال انا نيلتها فتحتها وطول اليوم حاسس ان فيه حاجات براقبني اقيد النور يطفي لوحده ابقي مطغتي الغطا يتشال وكل دا كوم ولما دخلت الحمام كوم تاني عندنا احنا مرايه جوه الحمام كدا والدي بيحلق عليها دقنو وبنسرح عليها انا معدي ببص ف المرايه لقيت شكل انا قلبي اتقبض اول ما شافو رجعت بسرعه ببص ف المرايه ملقتش حاجه بدور وشي لقيتو ف وشي وراح مقرب مني جامد اوي وبيهز كدا ف راسو انا ما فقتش غير وانا ع السرير عرفت بعدها اني اغمي عليا ف الحمام قولت لا انا لازم اروح للراجل دا وف يوم كنت عند والحد صاحبي بالليل صاحبي دا عشان ارحلو بعدي ع طريق كدا تراب جنبي من هنا المقابر ومن هنا نظام ترععه كدا بس كبيره بس عادي كان عودي عجله بروح بيها وقعدت عندو وانا مروح الساعه 10كدا الدنيا مطرت وقبل ما اوصل عند المقابر الكهربا قطعت داخل ع المقابر كدا لقيت الفرده ال قدام ف العجله وقفت مره واحده روحت مقلوب فخدت العجله سحب كان القمر منور ساعتها نور حلو لقيت حاجه جايه عليا كدا عامله زي الكلب لا كلب ايه هو الكلب من امته ب عين واحده ف النص مشيت لقيتو وقف ف نص الطريق انا وقفت هو بيقرب مني كدا وانا برجع لقيتو فتح بقو فكرتو ه ينبح لقيتو بيقولي تعالا روحت رامي العجله ورجعت جري عند صاحبي ف ايه ياحمد مالك قولتلو لا اصل خفت من الطرب والعجله اتخرمت سبتها هناك وهبات عندك انهردا اليوم دا محصلش حاجه روحت لقيت مامتي قاعده بتتفرج ع التلفزيون بقولها عاوز اكل مبتردش عليا عاوز اكل مبتردش عليا وراحت بصااالي كدا ومبرقه وقالتلي انت جيت مستنياك من بدري بصوت عالي بتفتح بقها جامد كدا ومبرقه فيا اوي وراحت ضرباني بس ضربها كان بيلسع زي الكبريت كل متلمس جسمي طلعت جري ع فووق واستخبيت ف الاوضه وقفلت الباب وقاعدة اعيط لحد ما نمت وحلمت ان انا ف مكان ضلمه اوي كلو عضم دا عضم ب بني ادمين بس عضم كبير اووي تحس انو بتاع ناس من ايام بتوع الكهف ولقيت واحد قاعد وجنبو الكلب ال انا شوفتو دا ومولع شمعه وحاطتها ف جمجمه حاولت اصرخ مش عارف اصرخ صوتي مبيطلعش عاوز اصحا مش عارف ولقيتو بيقرب مني انا هما احجامهم كبيره بس اكتشفت ان انا ال صغير انا كنت طالع ف الحلم ع صورة قطه وقرب وشو مني جامد لقيت نفسي صحيت ووالدي واقف بيقولي مالك ف ايه اصحا بقا صحيت قالي يالا عشان الغدا قولتلو انا امي ضربتي وزعقتلي من غير ما اعملها حاجه راح باصصلي كدا ب استغراب قالي امته قولتلو الصبح لقيتو بيقولي ازاي انت امك مش ف البيت اصلا دي طالعه معايا الصبح ولسه مجتش انا ساعتها قلبي نبض بسرعه وقولت ايه يضمنلي بقا ان دا ابويا بس نزلت كلنا مع بعض واحنا قاعدين بناكل لقيت نفس الخيال معدي ع الحيطه ولقينا كركبه حصلت ف المطبخ روحت انا ووالدي جري لقينا الحلل والاطباق كلو ع بعضو وف نفس اللحظه حنفية المطبخ اتفتحت لوحدها المهم رتبنا الدنيا ووالدي مستغرب انا خايف احكيلو ع ال حصل طلعت الاوضه بتعتي انا قاعد كدا ببص لقيت صوره ع الحيطه ل واحد معرفوش بس الصوره دي بتبصلي اجي يمين شمال بتبصلي لحد ما لقيت عين الراجل ال ف الصوره بتنزل دم انا اول ما شوفت كدا روحت مصرخ والدي طلعلي جري ف ايه قولتلو بص الصوره دي ملقاش صور ع الحيطه وانا شايفها وفجآءه اتحول الشخص دا لصوره مرعبه جدا قولتلو خدني معاك انا هنام معاك ف الاوضه بتاعتك انا بحلم احلام مش كويسه قالي تعالا انا نايم جنب والدي مرعوب ببص ع رجليه لقيت ضوافر رجليه كبيره اووي انكمشت كدا ف نفسي وخايف اتحرك ولقيت بعدي لقيتو بيدير نفسو نحيتي انا روحت مديلو ضهري ومرعوب حط ايدو عند وشي لقيت ضوافر كبيره كدا قدام عيني ببص لقيت وشو كلو دم وعينه بيضه اووي وبيقولي تعالا روحت طالع جري برا البيت وفضلت قاعد ف الشارع لحد ما لقيت والدي ووالدتي جاين من برا دخلت معاهم انا قاعد خايف منهم وخايف ادخل الحمام من ال انا شوفتو جوا وقررت احكي لوالدي انا لما يضربني او يزعقلي مش مشكله بس هرتاح من ال انا فيه وخايف احكي ميطلعش والدي ف قولت هتآكد بقولو فاكر زمان يابابا الحدوته ال كنت بتحكهالي بتاعة ال راح هو مكمل ال 3 معيز والديب قولتلو اه احكيها واتآكدت روحت حكيلو كل حاجه زعقلي الاول وكدا وبعدين خدني وروحنا ل راضي دا وابويا قالو ع ال بيحصل قالو ابنك مسمعش الكلام وكان لازم يتعاقب وبكدا هو عرف غلطتو كويس ومافيش حاجه هتطلعلو ولا حاجه هتخوفه تاني وبعدها بقا اتجهت لموضوع الرعب دا بدائت اقرا قصص واسمع قصص صوتيه وبعدها قررت اكتب قصص وفعلا عملت البيدج دا وبداءت اكتب فيه القصص بتعتي والكلام دا من اربع سنين بالظبط كانو اسوء ايام ف حياتي
تقيمك للقصه