سيف غداره الجزء الثاني

سيف غداره 

الجزء الثاني

 الجزء الثاني

فتحت عينى لقيت نفسي في مستشفي ومتعلقلى محلول ركزت شوية وافتكرت اللى حصل قلت اكيد كل دة حلم وانا فوقت منه بس لقيت امى قعدة جمبي وعماله تعيط ومنهاره اول ما شفتني قولتلها فى اية قالتلي اخوك كمال اتقتل ياعادل اخوك باسم قتل اخوك وقعدة تعيط .. 

قلتلها انتي بتقولي اية مستحيل باسم يعمل كده باسم اكتر واحد بيحبنا كلنا مستحيل يقتل ردت عليه وهى منهاره في العياط هو دة الي حصل ياابني اخوك باسم قتل كمال .. قلتلها وانتي كنتي بتعملي اية سبتي ازاى لحد مايقتل كمال قلتلي انا كنت بره يابني مش في البيت انا وفارس كنا برة قولتلها وفارس فين دلوقتى قالتلي فارس في القسم اخدوة هو وباسم انا اتصدمت من الكلام شلت كل المحاليل وطلعت اجري علي القسم ..

روحت لقيت فارس هناك روحت لفارس وقلتله اية الي حصل يافارس والي سمعته دة حقيقي مستحيل دة يكون حقيقي رد فارس عليه وقالي باسم اخوك قتل كمال انا كنت راجع من بره و شوفت كمال مرمى ع الارض والارض كلها دم وباسم ماسك سكينه انا اول ما شوفت المنظر دة صرخت واتصلت بالشرطة .. انا اول ما سمعت كدة قعدت اضرب في فارس وقلتله انت ازاى تبلغ الشرطة علي اخوك وتسجنه انت مجنون رد فارس وقالي عوزني اعمل اية عاوزنى كنت اسيبة يجى يقتلنى انا كمان زى ماقتل كمال دة مجرم ولازم ياخد عقابه بعد ما خلصنا التحقيقات فى القسم مشيت انا وفارس ورجعنا البيت كل اثار الجريمة موجودة انا مش طايق اقعد فى البيت عمال افتكر شكل الهياكل وباسم بيطحنها وشكل الدم اللى مغرق الدنيا والايام بتعدى علينا اكنها سنين وجه معاد الزيارة روحت لباسم القسم اسالة عن اللى حصل مع كمال ولية قتلة وعن الهياكل والبودر الابيض . اول ما باسم شفني انهار في العياط وقعد يقول ياعادل طلعني من هنا والله انا مقتلتش كمال انا بريئ طلعني من هنا..

قلتلة اية مقتلتهوش !!دة انت ممسوك متلبس والبصمات بتاعتك ع الجثة وعلى السكينة اصدقك ازاى يعني انت من زمان بتكرة كمال لانه احسن منك وكانت ديما بتتخانق معاه لانة مكنش بيعجبة طريقتك فى الكلام ولا كان بيعجبة اى حاجة بتعملها وديما كان بينتقدك وكمان قبل ماتقتل كمال كان بيحصل حاجات غريبة في البيت وتصرفاتك اتغيرت اوى زى بياتك بره البيت بالاسابيع وموضوع الكيس الاسود الي شفته معاك وطلعت الدور بتاعك والهياكل العظم الي شفتها والبدرة البيضه ولا انت فاكرنى مش عارف .. باسم اول ماسمع الكلام دة اتصدم وماعرفش يتكلم ولا كلمة وعرف ان انا عارف كل حاجه عنه ..

قالي انا هحكيلك علي كل حاجة بس ما تقولش لماما حاجه عشان لو عرفت هتموت فيها قولتلة وانت خايف على ماما ولا على حد دة انت قتلت اخوك.. وحكالى وقالى انا المصنع الي كنت شغال فيه اتعرفت علي واحد هناك كنت ديما بحكيلة عن مشاكلى وان الفلوس اللى معايا مش بتكفى حاجة وانى عاوز اشوف شغل تانى احسن . وفي يوم لقيته جيلي وقالي يا باسم انا عندى شغلنه تطلعنا من المرمطه الي احنا فيها دى وهتكسبنا الدهب .. قلتله وايه ياخوية الشغلانه دى رد عليه وقال بيني وبينك الكلام ده ومايطلعش لاي مخلوق احنا هنشتغل في المخدرات .. قلتله يانهارك اسود انت عاوز تحبسني لا طبعا انا مستحيل اشتغل الشغلانه دى انا مش عاوز اروح في داهيه ..

قالي ياعم ماتسمع كلامى للاخر احنا ولا هنشتري ولا هنتاجر فيه احنا بس كل الي هنعمله هنصنع الهروين ولا من شاف ولا من درى ماتقلقش الشغلانه امان وهنكون بعين عن عين الحكومه .. قلتله طب قولي تفصيل الشغل هتكون ازاى .. رد وقالي احنا هنجيب هياكل عظم وهنضفهم علي الهروين وهنعبيهم في كياس وهنوصلهم لناس دول الي هنقبض منهم الفلوس . قلتله طب وهنجيب الهياكل ازاى قالي لا مالكش دعوة انتا ليك تجيلك الحاجه وتعمل زى ماقلتلك وبس وبعدها هتقبض الفلوس قلتله خلاص تمام لما نشوف اخرتها ..

انا كنت بتاجر في المخدرات وبخلط الهياكل العظم ب الهروين بس انا مستحيل اقتل اخوية انا جيت لقيته مرمى علي الارض وسايح في دمه حولت الحقه واشيل السكينة لقيت فارس جه وقعد يصرخ ويقول انت قتلت اخوك وجرى وبلغ الشرطه بس انا ياعادل مستحيل اقتل ولما اقتل يكون اخوية ..

بعد ما باسم خلص كلامة انا مش قادر اصدق باسم اخوية تاجر مخدرات ازاى وكمان قاتل وقتتل مين اخوية انا سبتة ومشيت وقعد يقولى خرجنى ومتسبنيش مردتش علية ومشيت روحت البيت حكيت لماما وفارس كل اللى باسم قالهولى فارس قالى وانت صدقت دموعة دى بقولك انا شوفتة وهو بيقتل كمال فارس وهو بيقتل كمال تهمه ومثبوته علية وانت ناوى تدافع عنة وطلعة براءة ولا اية انت مجنون قولتلة اومال انت عاوزنى اسيبة يتحبس وياخد اعدام رد فارس وقالى انت عاوزة يطلع يخلص علينا دة تاجر مخدرات زى ما انت بتقول انة قالك مستنى منة اية !!وفعلا فارس اقنعنى انة كدة كدة لابس القضية وهياخد اعدام و بصراحة مدفعتش عن باسم وسبتة ورجعت لشغلى تانى والحياة اشبة انها رجعت طبيعية زى الاول تانى بس ولا انا ولا فارس ولا ماما كنا بنزور باسم وماما كل ما نجبلها سيرتة تقول معنديش حد اسمة باسم انا اتبريت منه وبعد كام شهر باسم خد الاعدام . فى نفس الوقت دة القضية اللى كنت مسكها بتاعة على الشيبانى الحكم النهائى بتاعها صدر بعد ما وفقت المحكمة علي الطعن خد الاعدام طبعا دى خسارة كبيرة ليا ولاسمى كمحامى انا معرفش الحياة ملخبطة معايا ع الاخر كدة لية.. بعد فترة وقبل تنفيذ حكم الاعدام على على الشيبانى بيوم على بعتلى نفس الراجل اللى بعتهولى ف الاول عشان يتفق معايا ع القضية قولت اة دة اكيد جاى بقى يتخانق وانا مش فايقلة كفاية اللى انا فية قابلتة ولسة بقولة القضية بتاعة على خسرانة من الاول لقيته بيقولي الشيخ علي الشيباني عوزك بكرة ضروري .. قلتله هو في اية انا قلقت بصراحه روحت تانى يوم لعلى وقابلتة ويارتنى ما روحت اول ما شوفتة قالى باسم اخوك مظلوم مقتلش كمال قلتله انت تعرف اخواتي منين وتعرف الموضوع دة ازاى قالي ممكن اكمل للاخر وانت هتعرف روح اسأل اخوك فارس مين الي قتل كمال وانت هتعرف كل حاجه ..(قصص رعب قصص الجن قصص مرعبه)

قلتله ممكن تفهمني انا مش فاهم حاجه قالي هو دة الي عندى روح اسأل اخوك وهتعرف كل حاجه قلتله شغل العفاريت بتاعك دة انا مش عوزة سكت ومااتكلمش سبتة وجريت ع البيت وطلعت البيت بدور ع فارس ملقتوش طلعت الدور التانى ادور على فارس يمكن فوق لقيت حد ورايا ضربنى على راسى ومشفتش حاجة بعد كدة واغمى عليا فوقت لقيت نفسي في شقه باسم وقاعد جوة ديرة خماسية مرسومة بسائل احمر لا دة مش سائل دة دم وقدامى فارس وبيقولى ها عرفت مين اللى قتل كمال ولا لسة قولتلة انت يا فارس اللى عملت كل دة معقولة لقيتة بيرد عليا ويقولى غصب عندى انا معنديش حرية الاختيار لازم اعمل كدة ..قولتلة تعمل اية انت باين عليك اتجننت قام قالى انا هفهمك كل حاجة قبل ماااا... انا مهووس بالانتيكات والحجات القديمة دى زى ما انت عارف وعلى طول اروح اى مكان بيبع الحجات دى والقطعه اللى بتشدى اللى بيكون شكلها غريب او ليها قصة واحد صحبى ودانى عند واحد بتاع انتيكات لقيت عندة سيف شكلة غريب عجبنى ومحطوت فى جراب اسود بصيت على ايدة كلن ماسك فيها سيف كمل كلامة وقالى ايوة هو السيف اللى فى ايدى دة ..

السيف شكلة قديم جدا ايدة لونها اسود فى دهبى والجراب بتاعة اسود فى ذهبى ومكتوب علية كلام غريب حروف عربى لاكن خط شبة الفارسى والسيف قصير نوعا ما كمل كلامة فارس وقالى لما عجبنى السيف دة واشتريتة بقى بيحصلى حجات غريبة فاكر انت الاصوات والحجات الغريبة الى كانت بتحصل فى البيت دى سببها كان السيف دة حولت كذا مرة اتخلص من السيف ده لاكن مقدرتش كنت كل ما اخدة ارمية فى اى مكان ارجع البيت القية فى الاوضة خوفت اوى ومعرفتش اعمل اية قولت خلاص انا هروح لدجال عشان اشوف حل للى انا فية دة وفعلا روحت للدجال على الشيبانى ايوة ما هو لما دخل السجن انا اديتة رقمك عشان تطلعة براءة ما كان لازم يطلع لانة كان المفروض انة يخلصنى من اللعنة دى بجلسة تحضير اصل السيف دة مطلعش سيف عادى لا دة طلع (سيف غدارة) لما روحت بالسيف دة للشيخ على الشيبانى هو اللى قالى حكايتة السيف دة اتعمل فى العصور القديمة العصر دة كان فية قبيلة مشهورة بصناعة سيوف غريبة ليها قوة خارقة وفى يوم زعيم القبيلة امر بصنع سيف قوى لا يقهر واستجابو الناس لامر الزعيم وصنعو السيف دة ليلة اكتمال القمر وسموة سيف غدارة وكل من يمتلك السيف دة يمتلك قوة خارقة ولما عرفو القبائل التانية بموضوع السيف دة اجتمعو رؤساء القبائل واتفقو انهم يقتلو القبيلة دى وفعلا قدرو انهم يقتلو النساء والاطفال والرجال اللى ف القبيلة لكن السيف كان مغروس فى الارض وحاولو انهم يطلعوة من الارض عشان يحاربو بية لكن فضل مغروس فى الارض ومطلعش وبعد 1000 عام كان فى ملك اسمة ايسن كان عندة ولدان (نازى ومارن ) نازى كان قوى جدا وكان قائد الجيش وكان ديما بيسخر من اخوة مارن لانة كان طيب ومتسامح وكان هزيل وضعيف وفى يوم كل اللى كانو فى القصر سخرو من مارن وقالولة انت فاشل ومتنفعش تبقى ملك زعل مارن من الكلام دة وساب القصر وخرج على الغابة واليوم دة كان القمر مكتمل فية بص مارن لقى حاجة بتلمع مغروسة ف الارض قرب منة لقاة سيف غريب الشكل خاف مارن وجرى على القصر وحكالهم الكل هناك سخر منة لكن والدة اهتم بالامر دة واخد كبار القوم عشان يروحو يشوفة حكاية السيف دة وفعلا تانى يومراحو المكان اللى مارن وصفة وفعلا لقو السيف كلهم حاولو يشدو السيف لكنة مش بيخرج ونازى حاول بكل قوتة انة يشدة ويخرجة بردو معرفش جة مارن اول ما مسكة خرج معاه بكل سهولة من الارض واتحول شكل مارن من هزيل وضعيف الى اقوى رجل فى القبيلة وبقى يدخل معارك بالسيف دة ويهزم اى حد والملك عينة قائد الجيش بدل من اخوة نازى طبعا نازى حس بالحقد من اخوة وقرر انة يقتلة وفى يوم حس الملك انه نهايتة قربت فجمع الناس عشان يختارو ملك جديد الناس كلها اختارت تنصيب مارن لانة قوى وحكيم وفى يوم تنصيبة رماة اخوة نازى بسهم كان فية سم لكنة مصبهوش والناس اتهمت نازى بالخيانة واتنفى وتانى يوم الملك اذاع خبر موت مارن لكن الجثة اختفت وبعد سنتين ظهرت جثة مارن وجثة نازى لكن السيف اختفى وبعد فترة بسيطة مات الملك ولقو السيف كان موجود فى غرفة الملك والاوضة مرسوم على الارض فيها نجمة خماسية بالدم يعنى الاخوات مقتلوش بعضهم دة الملك هو اللى قتلهم عشان يحصل على القوة من السيف ومن هنا ابتدت لعنة السيف اللى يمتلكة لازم يقتل كل اللى من دمة ودلوقتى جة دورك ..

بعد ما خلص فارس كلامه انا ما بقتش عارف اعمل اية معرفتش انطق بحرف من شدة المفاجأه معقول الي فارس بيقوله ده حقيقي اكيد ده كابوس مش حقيقي .. فارس جه علية وبيرفع ايدة عشان يقتلني بالسيف انا طلعت اجرى عشان احاول اهرب وانا بجري وقعت علي الارض وفارس هجم علية وقال سامحني يا اخوية ده غصب عني راح رفع ايدة عشان يقتلني بالسيف انا الي عملته قبل ما يرفع ايدة خت السيف منه ولقيت نفسي من غير اراده مني غرزت السيف في بطن فارس انا قتلت اخوية واللعنه انتقلت ليه وزى ما قتل فارس اخوية كمال بالسيف انا قتلته بنفس السيف. .

قصص رعب حقيقه