البائع الملعون الجزء الثاني

البائع الملعون ج2

الفصل اللي فات وقفنا عند لما مشيت من دفنه جدتي ولقيت الشيخ جعفر في وشي وهو بيقولي اللي بيستهزأ بقوتي وحجاتي مش هموته لا لا انا هخليه يجي لغايه عندي يرجوني اني اموته و وضح ان ده حلم واحمد صحاني وبيقولي ان تحاليل العشب ده هو تراب محروق وملون وبراز فران وقولت اكيد ان الشيخ ده مش هيسيبنا في حالنا

في صباح اليوم التالي : صحيت علي صوت تخبيط منتظم فتحت الباب ملقيتش حد ببص في كل مكان و لمحت كده نظره للسقف لقيت قطه في السقف وعمال تعوي وراحت ناطه عليا وفضلت تخربش فيا وصوتها مزعج جدا وطلع ان ده كابوس برضوه لكني صحيت علي نفس التخبيط المنتظم ومش قادر اقوم كاني كنت بتخانق وفيه حجات في جسمي بتحرقني ببص لقيت في كتفي الشمال شويه خرابيش عامله زي نجمه وبالتحديد نجمه داوود ورحت افتح الباب وخايف افتح بصراحه من اللي هشوف المراضي والباب عمال يخبط تخبيط منتظم ورحت فتحت لقيت الشيخ جعفر وهو بيقول ممكن ادخل يابني بصراحه انا خفت منه وعاوز اقوله لا لكني قولتله اتفضل ...انا البيت مكنش فيه كراسي اوي لان ستي مكنش حد بيجيلها اوي فكانت حاطه كرسي عند السرير و كرسي عن المطبخ و3 كراسي في الصاله اللي جمب باب الشقه لكني فوجئت....

ان الشيخ دخل يقعد علي طول علي الكرسي حته مشفش فين الكراسي اكنه عارف فينهم والحوار بينا كان كالتالي :
كريم : اتفضل ياجعفر كنت عاوز ايه؟
جعفر : ايه جعفر اسمي الشيخ جعفر
كريم : ليه هو انت حجيت قبل كده ولا اعتقد ان قريت قرآن او صليت اصلا انت عارف ربك مين
الشيخ جعفر اتعصب وبصلي بنظارات مخيفه وبعدين قال بضحك ايه اخبار العشب الاسود بتشربه باستمرار
كريم : العشب. لا لسا مشربتهوش...انت عارف بقي الواحد مشغول وانا مش متابع اوي الشرب والحجات ده
جعفر : اه مشغول ماهو واضح والتحاليل تمام
كريم : تحاليل ايه
جعفر : التحاليل اللي وداها احمد مش صح برضوه
كريم : ايييه انت عاوز ايه
جعفر : انا قولتلهالك مره وهقولهالك تاني اللي بيستخف بقوتي وحجاتي هخليه يجيلي يتمني الموت
كريم : ليه انت مين انت عشان تموت وتحي
كريم : انت نكره عارف يعني ايه نكره انت ضعيف جدا ..انت بس متحامي ورا شويه جن ..مش عارف بصراحه انا جبت قلب اقول الكلام ده ازاي بس قولته
جعفر : انت مش اتحكالك عن الراجل ومراته اللي حابوه يتحدوني حصل فيهم ايه ..انت مصيرك مش هيختلف عنهم ولكن يمكن اسوأ
كريم : انا بصراحه محسيتش بنفسي ورحت قومت ومسكت فيه وهو مستسلم ورحت خانقه وبقوله شوفت بقي انت هتموت زي اي كلب وانا اللي هموتك هموتك ..وهو عمال يضحك لي ومستسلم جدا وبعدين لقيت ايد بتضربني وبتقولي يا مجنون هتموتني يا مجنون و وش جعفر اتحول لاحمد وقومت من عليه وهو بيقول انت عاوز تموتني انت اتجننت خلاص ...انا بصراحه مكنتش عارف اقوله ايه لا مش حكايه مش عارف اقوله انا مش عاوز احكي اللي حصل اصلا
احمد : انت ايه اللي حصلك انا جيت اطلع لقيت بابك مفتوح وصوت ناس بتزوم وصراخ وعياط دخلت لقيتك باصص في السقف وبخبط عليك بقولك مالك روحت ناطط عليا وبتقول هتموتوه هنموت كلنا
احمد : انا حاسس اننا دخلنا دوامه كبيره
كريم : حاسس هههه احنا دخلنا خلاص ومش هنخرج غير بموتنا
احمد : طب هنعمل ايه
كريم : بقولك ايه انا رايح لجعفر و قاتل لمقتول بقي ...ورحت جبت سكينه وروحت لجعفر وجريت دخلتله بلا طابور ولا بتاع انا قلبي مات خلاص انا مش هستني اموت مجنون
كريم : بقولك ايه انت لتبعد عني لهقتلك فهمت
جعفر : سيب بس السكينه ده والعب بعيد يا بابا
كريم : بقولك ايه هتبعد عني ولا لا
جعفر : بص انا لسا بلعب معاك بس لو مطلعتش هوريك اللعب بجد
كريم : هتعمل ايه يعني؟؟
جعفر : انا هوريك هعمل ايه وراح عينه
:

اتقلبت كلها ابيض وبقي ينزل لون اسود من عينه كثيره اوي وبغزاره لغايه انها بدأت تملأ المكان وروحت عشان اطعنه بالسكينه راحت السكينه اتغرزت جواه ودراعي معاه وعمال اتسحب اتسحب مش عارف ازاي ودخلت...انا في مكان غريب وريحته وحشه جدا وتراب اسود في كل حته ده مش تراب ده العشب الاسود وبعدين لقيت جعفر واقف بعيد وقدامه قطط سوده كثير قدامه ومن بين القطط ده مخلوق عجيب انا مش شايف ملامحه عشان هو بعيد و الدنيا كلها سوده وراح ماسك راس جعفر وقطعها ورماها عندي تصوروه كده راس بني آدم قدامي وعماله تنزل دم وعيونها مفتوحه علي الاخر وكلها ابيض وبتضحكلي ...انا مقدرتش ابص علي الموقف بصراحه وروحت بصيت قدامي لقيت الكائن ده في وشي شكله بشع جدا عينيه حمرا وبتنزل لون اسود وجسمه نحيف جدا وراح مسك رقبتي ورفعني فوق وبعدين علقني في الهواء والنجمه اللي كانت في كتفي الشمال نورت وكتفي بقي بينزل اللون الاسود بغزاره والقطط تحتيها وعمالين يعوي بشكل مخيف ومزعج واكنهم مستنين انزل عشان يخلصوه عليا وبعدين سمعت صوت حاجه جميله جدا افتقدتها اوي القرآن وصوت القطط بدأ يقل شويه بعد شويه لغايت ما بقتش اسمع غير القرآن والقطط شايفها بتعوي بس انا مش سامعها انا سامع حاجه احلي بكثير وبعدين لقيت شويه لون اسود اتحدفوه عليا بس سوخنين جدا كانهم مياه نار وفتحت عيني لقيت نفسي في مكان وفيه شيخ بيقرأ قرآن واحمد قاعد عليا ومكتفني راح الشيخ قاله سيبه هو فاق
كريم : هو حصل ايه
احمد : انت قولت انك هتواجه جعفر ودخلت المطبخ دخلت وراك لقيتك ماسك سكينه وبتقطع القميص اللي انت لابسه الكتف الشمال وظهر نجمه علي كتفك الشمال وروحت وقعت علي الارض وفضلت ترتعش وتتكلم كلام غريب وعهد وانتقام لمن يسيئوا الينا وروحت وقفت ونزلت وجريت في والشيخ كان راكب عربيه وسايق وكان هيخبطك وروحنا مسكناك وحطيناك في العربيه وروحنا بيت الشيخ وفضل يقرأ عليك قرآن وفضلت تتتشنج وتقول مش هسيبه هقتل كل من يسئ الينا وكتفتك وصحيت دلوقتي وبعدين حكيت علي كل اللي بيحصلي ده راح قالي انا مش عارف اللي بيحصلك ده ايه بس واظب علي الصلاه وهتتحل كل مشاكلك ....روحت بيتي وروحت للحمام عشان اتوضي و اول ما فتحت الحنفيه ..مش معقول الحنفيه كلها بتنزل لون اسود وبعدين الباب اترزع رزعه جامده جدا وكانه هيتكسر من قوه الدفعه وراح النور اطفاه ههههه النور قطع هي كانت ناقصاها بصراحه هههه هعمل ايه دلوقتي ده انا فيه

بيتهم اكيد هموت بس انا مش هموت انا عارف جعفر قالي هتتعذب لغايت اما اجيله اترجاه انه يموتني وراح الدنيا اتقلبت لون احمر هههه احمر كمان والله حلو انا بحب الاحمر ههههه احمر .... وراح قطط كثير دخل من الشباك يا اهلا يا اهلا بالحبايب يا تري هيح هيح هيحصل ايه انا ما بقيتش اخاف انا اتعودت خلاص هههه عاوزين حاجه جديده بقي كده اكشن يمكن اترعب هاهاهاه انا اتجننت اه انا اتجننت .............ده كان اخر كتابه في كتاب عنوانه البائع الملعون ....انا مين انا محمود 30 سنه جالي ابلاغ ان في شقه بيحصل جواها حجات غريبه وجيت لقيت الشقه كلها مليانه كلام غريب علي الحيطان بلون الدم و نجوم و الحمام لقيت فيه قطط مدبوحه ومليانه دم في البانيوه و راجل مرمي في الحمام وجات الاسعاف وراح المستشفي وحصله شلل تام في كل جسمه واتجنن وبقي دلوقتي في مستشفي المجانين وزورته في احد المرات افهم ايه اللي حصل وقابلته عمال يضحك وشويه يعيط وبقوله ايه اللي عمل فيك كده قالي انا انا لا مش انا دول هما هما عنلوه فيا كده البائع البائع الملعون اوعي تبحث عن اي شئ مش معروفه او تاخدها انا فضولي وصلني للي انا فيه دلوقتي ولا محصل موت ولا محصل حياه انا انا مش مجنون ههههه انا بس شوفت حجات اكبر من اي عقل بشري يشوفها ههههه انا بس ما بقيتش اخاف مبقاش عندي قلب خلي بالك من البائعين وخصوصا البائعين الملعونين ومشيت وسألت الدكاتره اللي في المستشفي قالولي ان هما بيسمعوه صوت ناس غريبه وصوته وهو بيكلم واحد وبيقوله يا جعفر وعلي الكتاب في واحد اسمه احمد وروحت عنده قالولي انه مات بسكته قلبيه وفضلت اسأل عن جعفر ده ملقتلهوش مكان ومحدش عاوز يقولي حاجه باين عليهم خايفين وانتهت قصه البائع الملعون لحد كده بس اكيد فيه بائعين ملعونين كثير غيره ..كريم حذركم في اول القصه وانا هحذركم في اخرها اوعوه تاخده اي حاجه مش عارفين مصدرها وبلاش الفضول يسيطر عليكم والسلام عليكم ورحمه الله وبركاته
قصص رعب قصص الجن قصص مرعبه حقيقيه