البائع الملعون
انا كريم عندي 22سنه وكان عندي الماجستير حول موضوع البائعين المجهولين اللي بيبيعوه بضائع من مصادر غير معروفه .. انا بصراحه كنت راكن او متجنب الماجستير ده لبعض الوقت لغايت اما الاقي بائعين اكتب الماجستير عنهم و بالصدفه جه خبر وفاة جدتي وروحنا طبعا عندها وكان مكان بيتها تحس انه في صحراء كده مفيش غير كام محلات بقاله اللي هي سوبر ماركت و مكان خضراوات يتعدوه علي الصوابع بس كان عادي في المكان ده بالذات عشان مفيش غير 10 عمارات كده مبنيه و عمارات في حتت بعيده ... المهم روحنا انا وعائله امي و جه ابويا معانا وعمي روحنا غسلناها وكفناها بس الغريب بقي ان شكلها مكنش شكل ست ماتت موته طبيعيه ده تحس انها شافت حجات من كثر رعبها ماتت و بطنها كان منفوخ علي الاخر كانها شربت مياه المحيط كله و الطبيب قال ان الموت سببه سكته قلبيه و الحجات ده عاديه بالنسبه للسن ده او متوقع يعني وكله مهتمش بس انا حاسس ان فيه غموض وراه الحكايه ده وغموض ملهوش مثيل فقررت اني اعيش هنا كام يوم احقق في الموضوع ده معرفش ليه حسيت نفسي كده شارلوك هومز وانا اللي هحل الغموض ده وبعديها ب يومين حد خبط علي الباب و فتحت لقيت شخص تحس انه صعيدي كده لابس جلابيه و شاب مثلي يعني في نفس سني او اكبر شويه وسلم عليا وقالي منور الدنيا واتشرفت بيك والكلام بتاع التعارف ده كله وان هو جاي عشان يتعرف علي مين جه يسكن هنا او عاوز يتسلي مع اي حد لانه كان عمال يتكلم كثير كانه لما صدق انه يتكلم وانا طبعي مبحبش اتكلم كثير وبالذات اللي ما اعرفهمش فعشان ما اكسفهوش قضلت اهز راسي واضحك كاني مستمتع بالحديث يعني و روحت اعمل كوبايتين شاي و شربنا الشاي هو صح اسمه احمد ودار بينا حوار كالاتي ::
احمد : هو صح جدتك ماتت ازاي
كريم : هو اللي ازاي .. وتوقعت بنظراته انه عاوز يسمع مني انها ماتت مش بموته طبيعيه روحت قولتله ماتت بسكته قلبية و هو كانه حاسس
احمد : علفكره من ساعت اما جه الشيخ جعفر و الناس كل اما تموت يبقي بسكته قلبيه
كريم : وهو ايه علاقته بموت الناس بسكته قلبيه يعني
احمد : معرفش بس انا اعتقد ان بسبب العشب الاسود اللي هو بيبيعه
كريم : ايه العشب الاسود ده
احمد : ده بيقولوا حاجه زي الدواء ملهاش طعم ولا ريحه ولكن اللي بيبقي متوضئ او صايم بيشم ريحتها وحشه جدا ولازم ليها شروط
كريم : هههه وايه بقي الشروط ده
احمد : بيدي العشب الاسود علي حسب عمر الشخص واذا كان بنت او ولد
كريم : ليه يعني
احمد : بيقول ان العشب ده بيجيب الحظ و الثراء والصحه وكل حاجه حلوه لكن بيبقي مخصص بالاعمار ولكن مينفعش حد يشربه في رمضان و لو صام في الايام العاديه يقعد بعديها بثلاثه ايام وبعدين يشربها
كريم : ياعم انت مصدق في الحجات ده .. ده سرق ونصب واضح وانتم متغفلين كده..ده انا برنة بوليس يجي ياخده ويظبطه هناك
احمد : كان غيرك اشطر كان فيه واحد هنا عمل نفسه شجاع و10 رجاله في بعض وراح اتحدي الشيخ وبلغ البوليس وجه ملقاش اي حاجه تثبت انه بيبع العشب ده و مشيوه تاني ومن ساعتها الراجل الشجاع ده اختفي
كريم : ايه اختفي ازاي
احمد : اختفي يعني اختفي ملقيناهوش وافتكرنا حصله حاجه في شقته وكسرنا الباب لقينا المكان ريحته معفنه جدا وفيه جزء من الريحه كانت نفس ريحه العشب بس محدش شمه تقريبا انا بس اللي كنت متوضئ و فضلنا ندور عليه وملقيناش غير زوجته عماله تضحك وتعيط وتصرخ وتقول جوزي عفريت لا جوزي خده العفريت وعماله تغنيها و طلع انها اتجننت وحطيناها في مستشفي المجانين و روحت ازورها يمكن اعرف حاجه والدكاتره قالت انها سعات بتكام واحد وتقول بكلم الجني اللي خد جوزي وتعيط وتقوله رجعه مش هيجي جمب سيدك تاني والله حرمنا وسعات ونلاقي بتضحك ونسألها بتضحكي ليه بتقول جوزي بيقول اني هروحله قريب وهبقي معاه و سألتهم الاقيها فين ..قالولي رمت نفسها من السور نعرفش طلعت ازاي بس ده اللي حصل و واحد خدني وقالي علفكره هي ما رمتش نفسها من السور انا كنت واقف ساعتها لقيت حد كانه مسكها من شعرها وشدها فوق علي السور وهي تعيط وتضحك و اخر كلمه قالتها كانها بتكلم واحد بتقوله صحيح هتوديني لجوزي وراح كان حد زقها من علي السور وماتت ومرضيناش نقول الحكايه عشان سمعه المستشفي
كريم : قصدك ان الشيخ ده هو اللي قتل الشخص ده ومراته وهو اللي قتل جدتي
احمد : اه.. هو اللي بيتخداه بيموته موته غير طبيعيه و اللي بيشرب العشب الاسود ده يحصل حجات غريبه في الشقه ويموت بسكته قلبيه
قلبيه
كريم : انت شوفت الحجات ده حصلت في بيت جدتي
احمد : بصراحه لا. . انا كنت بسمع صوت صريخ وعياط و مكنتش بتجرأ اني شوفت بعد اللي شوفته
كريم : شوفت ايه؟
احمد : شوفت ستك كانت في المطبخ عادي وفجأه عيطت و صرخت و قالت كلام غريب
كريم : قالت ايه
احمد : هو عشان مكدبش انا معرفش كان صوتها ولا صوت حد تاني بس اللي سمعته حد بيقول بحق اعوان ابليس و عقارب ساعه القيامه انعموا علي كل من تناول تراب اقدام ابليس احضروه هذا الروح بطريقه اولاد ادم الملعونين و اترددت كذا مره بحق عقارب ساعه القيامه بحق اعوان ابليس بحق كل معجزات احفاد ابليس واعوانه ...فضل يقول بحق يمكن بقول حاجه تعصي ربنا
كريم : حاجه غريبه جدا.. ده اشبه بالخيال .. انا هعمل ايه دلوقتي
احمد : تكمل معايا مشوار حل اللغز ده
كريم : انت متأكد انك عاوز تحل المشاكل ده بدون دافع
احمد : لا طبعا بدافع انا امي وخطيبتي ماته بسبب العشب ده صدقوه الحكايه ده بتاع صحه وثراء وجابوه وشربوه هما الاتنين وانا كنت في رحله عمل و جيت وقالولي انهم مخرجوش من ساعت ما جابوه التمر ده و فتحوه الشقه لما سمعوه صراخ و عياط لقوه امي وخطيبتي متوفيين وعيناهم وبوقوه مفتوحين علي الاخر كانهم شافه الشيطان وبطنهم منفوخه وطلع انهم ماتوه بسكته قلبيه وقولت اني لازم انتقم بس لما امسك عليه حاجه بدل ما اواجه وتفضل العين عليا وانت كمل معايا المشوار انتقاما لجدتك حتي يعني
كريم : طيب .. المطلوب مني ايه
احمد : انت كجديد محدش هيشك فيك اوي او انك عاوز تنتقم انت روح ليه وقوله انا سمعت عنك و جدتي قالت عنك كلام كثير وانك مبروك فعاوز العشب الاسود
(قصص رعب قصص الجن قصص مرعبه حقيقيه)كريم : حاضر
وفعلا روحت تاني يوم ولقيت طابور طويل ومكتوب في ورقه العشب الاسود و الناحيه التانيه توابل الشحروق باين وحجات كثيره واسامي غريبه وكل ورقه بيقف قدامها طابور عشان ياخد من الحاجه ده روحت وقفت في طابور التمر و فضلت مستني تلات ساعه اربعه علي نفس الحال روحت زعقت وقول هو في ايه كل ده عشان حبه تمر .. امل لو قولنا عاوزين حته من الجنه هيعمل فينا ايه هيخلينا نحفر حفره ونقف فيها راح جه واحد وباين كده انه مساعده وقالي متقف زي الناس عدل ما هما مبيتكلموش اهو .. روحت قولتله ماهو مينفعش كده مل واحد بيغيب عنده بالتلت ساعه هو بيعزمهم معاه علي الغدا ولا ايه وراحت الناس كلها بصتلي بغضب وحسيت انهم عاوزين يموتوني راح جه واحد من جوه و قال حاجه للمساعد في
ودنه وقالي اتفضل يا باشا وروحت وانا داخل مستني اسمع معارضه و كلام من مش معنا هو واحنا واقفين زيه بس ولا كان حاجه حصلت واقفين عادي روحت دخلت تحس انك داخل مغاره او كهف مش بيت عادي روحت عند الشيه جعفر
جعفر : طلباتك ايه يابني
كريم : انا عاوز العشب الاسود بتاعك ده اللي هيخليني معايا فلوس وصحه و كده
جعفر : ضحك بخبث وقالي انت عندك كام سنه
كريم : ليه
جعفر : انت مش عارف انا عاوز عمرك ليه
كريم : قولتله وكاني من بنها :: معرفش حاجه ..انت قصدك ايه
جعفر : العمر عشان اجيب لك الامر المناسب
ولسا جاي هاسأله قالي خلاص مينفعش تسأل تاني ولو سألت هتمشي وانا بصراحه خفت من كلامه وقعدت ساكت وراح الشيخ مطلع كيس فيه كأنه تراب اسود
جعفر : خلاص كده يابني امشي
كريم : متشكر يا شيخنا
جعفر : يا كريم
كرسم : وانا مرتبك قولتله نعم طبعا انا مرتبك عشان مقولتهاش اسمي اصلا مقولتش لحد اسمي غير احمد
جعفر : ضحك وقالي سلملي علي احمد وقوله هديتك هتوصلك قريب وقالي وانت كمان يا كريم بس الوقت لسا ما اخترتهوش لك
كريم : طبعا انا موت من الخوف وجريت لحد البيت و احمد كان قاعد في شقتي وروحت فرح اني جيت و خد مني الكيس وقالي انا هوديه التحليل واكشف نصبه ودجله وبعدا بكراه هجيلك بالنتائج
ونمت حلمت بحاجه مش قادر انساها ..حلمت اني جيت تاني عشان اكفن جدتي راحت صحيت ومدت ايديها علي رقبتي وبتقولي الموت الموت لمن يسخر من مولانا روحت قولت فجأه اعوذ بالله من الشيطان الرجيم اعوذ بالله و فتحت عيني لقيتها ميته زي ما هي بس اديها كان مرفوعه روحت نزلتهم والخوف مسيطر عليا و روحنا كفناها و نزلناها المقبره طبعا انا مقولتش اننا نزلنا التربه وكده لاني بكتبلكم اللي مرعب بس .. بس اللي حصل المره ده اننا نزلنا و الناس قالوه مين هيفك ويظهر وش الميت محدش نطق و انا كنت متوقع انه كل عيتطوع ونتخانق علي مين هينزل عشان كلنا كنا بنحب جدتي بس مش عارف ليه محدش نطق روحت اتشجعت وقولت انا هنزل ..فنزلت و انا نازل الخوف كان لسا مسيطر عليا وبتمني اني ارجع واجري فانا عامل نفسي شجاع ومبخفش بس انا ميت من الرعب جوايا نزلت فكيت الرباط عن الوش و ايه ده مستحيل مستحيل .. الناس برضوه قالوه كده فقولت يبقي انا مش شايفها لوحدي انا شوفت جدتي جسمها ماليه رعب اكثر من الاول كانها عماله تشوف حجات مرعبه اكثر ولسا مماتتش وبوقها مفتوح علي الاخر و جواه العشب الاسود وروحت رجعت لحد ما خبط
في الحيطه والناس عمالين يبصوه عليها ويقولوه لا اله الا الله لا حول ولا قوه الله بالله و مستغربين جدا روحت لواحد منهم اللي هما متخصصين في الدفن وكده وروحت قولتله شوفت اللي حصل ده ازاي كده ..راح قالي يا باشا احنا بنشوف الحجات ده علي طول مش اول مره علينا ...قولتله ومش مرعوبين ليه يعني ولا كانكم شوفتم ميت... قالي يا باشا جدتك ده هتروح الجنه هتروح الجنه ده وشها كان منور جدا ونقي وبيضحك احنا مفروض نفتخر مش نخاف.... ايه ازاي انا شوفت ازاي امل انا شوفت كده ازاي ...راح قالي شوفت ايه يا استاذ
روحت سايبه وماشي ولقيت الشيخ جعفر في وشي فجأه انا خفت ورجعت ورا الصراحه مش من منظره بس من الطريق انه يظهر فجأه وبيقولي اللي بيستهزأ بقوتي وحجاتي مش هموته لا لا الموت بالنسبالي رحمة انا هخليه يشوف كل انواع العذاب لغايه اما يجي تحت رجلي ويقولي ارجوك اقتلني ... صحيت علي صوت احمد وهو بيصحيني...قولتله ايه ظهر ايه في التحاليل
احمد : طلعت طلعت تراب محروق وملون ومضاف عليه براز فران ...انا كنت الاجابه ده اللي هي مش تحليل العشب اصلا وان جعفر جن عنده قاله اننا هنضحك عليه وعمل الملعوب ده... ياتري هيعمل فينا ايه
يتبع الجزء الثاني
تعليقات
إرسال تعليق