الجن العاشق

الجن العاشق

اسمي ميهمش كتير بس خلينا نفترضه (أ) سني 27 سنه وضعي زي ناس كتير رافضه الجواز لكن الغريب شويه ان من وانا صغيره كنت رافضه الفكره د تماما ف الطبيعي ناس ممكن تسالك نفسك ف ايه لما تكبر او نفسك تتجوز مين اناكان ردي انا مش هتجوز حد الموضوع الأول كان بيتاخد بتريقه وهزار لكن اما خلصت الكليه واشتغلت ف بنك شهير جدا وطبعا اقدملي ناس كتير زي اي بنت ف سني بس انا دايما كنت برفض منغير اي سبب بابا بدا يضايق وكان مصمم اني لازم اتجوز ويبقالي بيت زي اي بنت خلاص مبقاش ليكي عزر تاني كلمه مينفعش اللي انتي بتقوليها دي ومش عايزه اتجوز كانت زمان انتي خلاص كبرتي ، طيب اسمحولي خلوني ارجع معاكم بالزمن شويه لورا وانا ف اعدادي يعني مرحله المراهقه كان كل صحابي بطبيعه السن كانوا بيتكلموا عن الولاد والارتباط انا بقا كنت بضايق جدا من طريقه كلامهم او كلامهم عن الولاد عموما لان انا كان ف دماغي شخصيه معينه نفسي اقابلها كاني لسه بدور ع فارس احلامي ف الاول كنت بتخيل شكله بتخيل اني هقابل واحد بمواصفات معينه لكن الموضوع بعد شويه بدا ياخد شكل مختلف لاني بدات اشوفه ف الاحلام وانا نايمه شفت اجمل راجل ف الدنيا ممكن تقابليه بدات اعيش قصه حب مع شاب ف الحلم ملهوش وجود غير ف احلامي لما باجي انام بحس اني رايحه اجمل مكان بقيت بدور ع اي مناسبه تخليني انام علشان اشوفه بعد كدا صحابي لما كانوا يتكموا عن الولاد واعجابهم بيهم كنت بتخيله فضلت طول فتره الاعدادي والثانوي احلم بيه وبدات العلاقه تطور وبدات اتعرف عليه اكتر وعرفت ان اسمه راجي احلامي بيه مش احلام بمعني الاحلام كانت حاجه عامله زي اللقاءات مترتبه جدا كنا بنتكلم وبنتناقش وساعات بحكيله عن مشاكلي وعن اخباري وهو قليل لما كان يتكلم عن حياته كان منصت جيد لكل حاجه بحكيها كنت قبل مانام افضل اقول لنفسي لازم النهارده اساله عن حياته مش معقول كل مره هو اللي يسمعني وانا افضل احكي ع الاقل اعرف عنه اي حاجه واحلم وانسي كل حاجه والاقيني مستسلمه ليه ولكل حاجه بطريقته هو وكان عامل زي الساحر كل الكلام عن حياتي ومستقبلي كان بيقول جمله ويفضل يرددها دايما انا سبت كل الناس علشانك فضل الحال بالشكل ده مده طويله إنسانه مريضه مرتبطه بشخص وهمي مش موجود غير ف أحلامي لحد ما بدأت مرحلة زن والدي وأنا ف الشغل زي ما قولتلكوا ومشكله إني لازم اتخطب كنت باخد الكلام من هنا اطلعه من النحيه التانيه كالعادة فقعدت و فكرت مع نفسى هو إيه آخره اللي انا بعمله ده انا مريضه نفسية ولازم اتعالج لكن حصل تحول ف حياتي مكنتش مرتباله أما (آسر ) اشتغل معايا ف البنك وكان معايا ف نفس المكتب حاجه بتاعه ربنا يوم والثاني والثالث بدأ يقرب مني أكثر وبقيت أحب اسمعه وهو يتكلم بدأنا نحكي لبعض عن حاجات ف حياتنا ومع كل ده بدات أنسى راجي بدأت لهفتي إني أشوفه ف أحلامي تقل خالص بدأت أنساه وبدأت أحلامي كلها تتغير حتى قعدت كام يوم أحلم أحلام بعيده تماما عنه أحلام عمري ما حلمتها أحلام بني أدمه طبيعيه اللي مفيهاش شَخص مسيطر عليها لحد ماظهر تاني لقيته قاعد ضامم رجله ودافن راسه بين رجليه قربت منه وقولتله مالك يا راجي رفع وشه وبدأ يعيط زي الأطفال وقالي انتي قررتي تسيبيني انا معملتش أي حاجه انا مغلطش ف أي حاجه حاولت افهمه أن حياتنا ملهاش معنى الحياه اللي ف الأحلام بس دي مش حياه وانا بني ادمه لازم اتجوز اول ماسمع كلمه لازم اتجوز دي قام وقف وبدا يتكلم بصوت عالي صوت بشع وفضل يقولي انا بحذرك لو فكرتي يبقي انتي اللي جنيتي عليه صحيت من النوم مفزوعه لقيت اسر متصل بيا 15 مره اتصلت بيه بسرعه لقيته مزعوج جدا وبيقولي انا مش هروح الشغل النهارده مش هروح تاني بس ضاوري تقابليني النهارده بعد الشغل ولا اقولك انا هنزل اشوفك قبل الشغل وفعلا لبست بسرعه ونزلت لقيته بيقولي من يوم ماعرفتك وانا ف رعب واحد بيجيلي ف الحلم بيقولي مش هرحمك كنت فاكره كابوس زي اللي بيجي لاي حد لكن اتكرر كتير واخر مره امبارح جه وقالي انه هيجيلك و قالي انه جوزك و انكوا متجوزين من وانتي ف المدرسه واني سمحت لنفسي اني اشاركه فيكي وانه هيصب غضبه عليا ولو رحت الشغل النهارده او كلمتك او قابلتك هيحرقني قولتله اسر متخفش مفيش حاجه هتحصل يالا نروح الشغل حالا قالي مش خايف ع نفسي خايف عليكي انتي قولتله هنروح يعني هنروح انا مش هخاف من واحد بيطلع ف الحلم فعلا رحنا الشغل ووصلنا قبل اي حد جبنا فطار وحاولت اهديه قالي انا هتقدملك ومفيش اي حاجه هتمنع ده قولتله بلاش انا نفسي بشوفه ومعرفش ده ايه وعمري ف حياتي مفكرت ده يبقي ايه واحد بيطلع ف الحلم يقد ياذينا قالي انا خايف عليكي منه اوي وانا فضلت اعيط ومش عارفه ابررله او اقوله ده ايه لان انا نفسي مش عارفه الوقت ده بدا الموظفين يجوا قالي هدخل الحمام اغسل وشي ومفيش دقايق صوت شق البنك كله جاي من الحمام الكل طلع يجري الرجاله والستات وقفنا بعيد لان الصوت كان جي من حمام الرجاله دخلوا الرجاله بسرعه وسمعت كميه اصوات ليهم كلهم لما دخلوا دخلت اجري مستنتش لقيت منظر عمري ماهنساه لقيت اسر واقع ع الارض ف حاله اغماء وهدمه متقطعه ودراعاته الاتنين محروقين زي مايكون حد كاويه بسيخ من نار

(قصص رعب قصص الجن قصص مرعبه حقيقيه)

وشلناه وطلعنا نجري بيه ع المستشفي وكانت بيصرع من شده الالم بعد لما اطمنت عليه روحت علي البيت بابا شافني وانا داخله لقيته بيقولي ايه يابنتي اللي حصل شيماء صاحبتك اتصلت بيا ان انتي حكيالها حاجات و محلفاها ماتقولها لحد انتي حكيالها ايه قوليلي يابنتي علشان اساعدك ف اللحظه دي مقدرتش اقاوم أنهرت زي الطفله بين ايدين ابويا وحكيت و فضلت اعيط ووقعت ف الارض وابويا بيهدي فيا ويقولي فصلتي ساكته ع نفسك كل ده ليه محمله نفسك كل ده لواحدك كل حاجه وليها حلول يابنتي ازاي كدا ع العموم متقلقيش كل حاجه ليها حل وانا عارف ان انشاء الله اللي ربنا هيكتبه هوالخير انا عارف مين هيساعدنا اترجيته ميحكيش حاجه لامي حاجه لانها عيانه ومش هتتحمل واترجيته كمان يسبني ادخل انام لاني. تعبانه جدا دخلت اترميت ع السرير لاني عايزا اشوفه عايز مني ايه مش عارفه انام من التفكير ورحت ف النوم وجالي قولتله انت عايز ايه قالي انتي ليا لوحدي انا سبتهم كلهم علشانك مش هسيبك معنديش استعداد اعتذرلهم وفجاءه لقيت طوله الرهيب اللي كان قدامي بدا يقصر و سمعت صوت من بعيد " الله لا اله الا هو الحي القيوم لا تاخذه سنه ولا نوم..... قل هو الله احد الله الصمد لم يلد ولم يولد ولم يكن له كفوا احد وصوت قران كتير " نقسم عليكم باخراج الشيطان من هذا الجسد نقسم عليكم باخراج الشيطان من جسد بنت ادم بحق ما بيننا وبينكم اللهم رب الناس اذهب البئس اعوذ بك ربي من همذات الشياطين واعوذ بك ان يحضرون بدا يقصر لحد ما طوله بقا حوالي 50 سم مثلا وبدا يقصر اكتر ويصرخ بصوت بقا يناسب حجمه وينادي عليا لحد ما اتحرق ف اللحظه دي اترش ميا ع وشي وصحيت مفزوعه لقيت ابويا والشيخ لطفي اللي فهمته ان ابويا بعت جابه راح الشيخ باصص لابويا وقاله زي ما قولتك ياحج الجني العاشق سيطر عليها لمده طويله مكنتش قادره اتكلم او اتحرك قالي ماتقلقيش شويه تحصينات وهتبقي زي الفل قولتلهم طب واسر حصله ايه قالي متقلقيش هو كان بياذيه بس علشان يبعد عنك و الفتره اللي جايه هتلاقي علاقتكوا بقت احسن ولو عايزه ممكن اقعد معاه وافهمه
واخيرا خلصت من راجي واتجوزت انا واسر ودي كانت قصتي .

قصص رعب قصص الجن قصص مرعبه حقيقيه